ای دِلْ، چته ، سَر گَشْتَه ای اَی بَخْتْ چِتِه وَرگَشْتِه ای
چیْ حالِ گَنْدُمْ سَرِ تَشْ ای دِلْ تا کَیْ بِرِشْتِه ای
دودِسْ نَکُنْ دودِتْ کُنِه هَیْ تونِ، نابودِت ْ کُنِه
اَمْشَوْ نِشونِتْ تاجِ تَختْ صو زی، حاکِمْ کوتِتْ کُنِه
دِل ْ زِه غَم ْ آزادی بُکُنْ چی دِلْ هَمِه، شادی بُکُنْ
اَوَلْ بوین، عاشِقِتْ بی؟! بَعدْ زِ عشقِسْ یادِی بُکُنْ
ری گِلْ ، چِقَدْ بی ذاتیِه مَستی وُ راستی قاطیِه
 وِسْ گوْم، کَلو لَوْ حَنْدَتُم گو یو بچه دهاتیِه
دِلْپاکُمْ، اما بِه کَلَکْ دَستُم نیاره دی نمک
عاشِقِ اسبُ بِرنَوُ م عاشِقِ میناو ُ لَچَکْ
بازی نَکُنْ وا خاطِرُم اِیخُم ْ بِوینُمِتْ بِرُمْ
پوزِتْ پُرِهْ سیچِه دِیِه ری نازُک ِ دِلْ کافِرُم ْ
زِ دَستِ تو دی شاکِیُمْ رَحْمْ بُکُنْ زِ غَمْ ناکِیِمْ
چِه کُنُم هو تیپْ اِیزَنِه مو هَیْ فَقیرُ خاکیُمْ
_______________
خُدا یا تا کُجِه ، دِل ْ ناگِرونُم
هَمَس هَی گاگِریوه ری زَوونُم
مَیَر وا غَم شِرِشتی سَرنِوِشتُم
که اَوْرا شَهْ ، گِرِهدِن آسِمونُم
______________
اَر نَیارُم اِسمِ رَسمی مالِ مال ِ بی مُلام
شِعرُمِ چیت ایکُنُم هَر شَو مو وا حَرصِ تِیام
ری وِ ری ظُلمی که وَنده سایه ری وارِ دِلم
ُ گَردَنُم ایدُم وَلی نِهلُم خَل ابو زو نِیام
وا کَلاما نَهتَرُم بازی کُنُم سی بُردَنُم
آهِ دِل وَختِ عَزاوُم اِیزَنه حَرفی وِ جام
 هَف خَطِ مَردونَگیهِن تا دَم ِ مَرگ ایرَوُم
 اَر وِ نامَردی بِنِن کُه بارِ دَردُ ری دو پام
دشمنی وا کس نیارم صاف صاف بی کلک
 جونُمِ نُم رَهنِ جونِ یه رَفیقِ با مَرام
پا بَوُومُ تا هَنَف بالا اِیاهِه نُم به تیم
روزِ صَد دَو هَی اِبوسُم هَی اِبوسُم دَستِ دام
خُم زِ دیری تَش نَگِهرُم وُ بِمَهنُم ویرِ تو
 جا خُدافِظ بیتِ آخِر بی طُمَع ایگُم سَلام